കുഞ്ഞുങ്ങളെ ഇതിലേ...

കുട്ടികള്‍ക്കുവായിക്കാനും രക്ഷിതാക്കള്‍ക്കു പറഞ്ഞുകൊടുക്കാനും ഒരു ബ്ലോഗ് പരിചയപ്പെടുത്തുന്നു.

ഇവിടെ ക്ലിക്കുക

അധ്യാപകദിനം

സഖാവ് പാലോളി ഉദ്ഘാടനം ചെയ്യുന്നു

തച്ചമ്പാറ ഗ്രാമപഞ്ചായത്തും ദേശീയഗ്രന്ഥശാലയും ചേര്‍ന്നാണ് ഇപ്രാവശ്യത്തെ അധ്യാപകദിനാഘോഷം സംഘടിപ്പിച്ചത്. പഞ്ചായചത്തിലെ 70 കഴിഞ്ഞ അധ്യാപകരേയും മുന്‍ പഞ്ചായച്ച് പ്രസിഡന്റുമാരേയും സംസ്ഥാന അധ്യാപകഅവാര്‍ഡ് നേടിയവരേയും ഒരേ വേദിയിലെത്തിച്ച് ആദരിക്കാന്‍ കഴിഞ്ഞതില്‍ ഞങ്ങള്‍ വളരെയധികം സന്തോഷിക്കുന്നു.

എബ്രഹാം ലിങ്കന്റെ കത്ത്

''എല്ലാവരും
നീതിമാന്മാരല്ലെന്നും
സത്യസന്ധരല്ലെന്നും
അവന് പഠിക്കേണ്ടിവരും,എനിക്കറിയാം.
പക്ഷേ ഓരോ തെമ്മാടിക്കും
പകരമൊരു നായകനുണ്ടെന്നും
ഓരോ കപടരാഷ്ട്രീയക്കാരനും
പകരം അര്‍പ്പണബോധമുള്ള
ഒരു നേതാവുണ്ടെന്നും അവനെ പഠിപ്പിക്കണം.
എല്ലാ ശത്രുക്കള്‍ക്കുമപ്പുറം
ഒരു സുഹൃത്തുണ്ടാവുമെന്ന് അവനെ പഠിപ്പിക്കുക.



 
അസൂയയില്‍ നിന്നവനെ
അകറ്റി നിര്‍ത്തുക, നിങ്ങള്‍ക്കാവുമെങ്കില്‍
നിശബ്ദമായ പൊട്ടിച്ചിരിയുടെ മൂല്യമവനെ പഠിപ്പിക്കുക.

വഴക്കാളികളെയാണ് തോല്പിക്കാനെളുപ്പമെന്ന്
ആദ്യമേയവന്‍ പഠിക്കട്ടെ.
പുസ്തകങ്ങള്‍ കൊണ്ട്
അല്‍ഭുതം സൃഷ്ടിക്കാനാവുമെന്ന് അവന്റെ കാതുകളിലോതുക.

പക്ഷേ അവന്റെ മാത്രമായ ലോകം
അവന് നല്കണം.
ശാന്തിയില്‍ മുങ്ങിയൊരു
ലോകം.
അവിടെയിരുന്ന്
ആകാശത്തിലെ പക്ഷികളുടേയും
പച്ചക്കുന്നിന്‍ചെരിവുകളിലെ
പൂക്കളുടെ നിതാന്തവിസ്മയത്തെക്കുറിച്ചും
അവന്‍ ചിന്തിക്കട്ടെ.

സ്‌കൂളില്‍ തോല്‍ക്കുന്നതാണ്
ചതിച്ച് നേടുന്നതിനേക്കാള്‍
മാന്യമാണെന്നവനെ പഠിപ്പിക്കുക.
എല്ലാവരും തെറ്റാണെന്ന്
തള്ളിപ്പറഞ്ഞാലും
സ്വന്തം ആശയങ്ങളില്‍ വിശ്വസിക്കാനവനെ പഠിപ്പിക്കുക.

മൃദുലരായ മനുഷ്യരോട്
മൃദുലമാകാനും
കഠിനരായവരോട്
കഠിനമാകാനും പഠിപ്പിക്കുക.
നാടോടുമ്പോള്‍
നടുവേ ഓടാതിരിക്കാനുള്ള കരുത്ത്
എന്റെ മകനേകുക.

എല്ലാവരും പറയുന്നത്
ശ്രദ്ധിക്കാനവനെ പഠിപ്പിക്കുക,
പക്ഷേ നന്മയെ മാത്രം സ്വീകരിക്കാന്‍ പഠിപ്പിക്കുക.
നിങ്ങള്‍ക്കാവുമെങ്കില്‍ ദു:ഖിതനായിരിക്കുമ്പോള്‍
പൊട്ടിച്ചിരിക്കുന്നതെങ്ങനെയെന്നവനെ പഠിപ്പിക്കുക.
കണ്ണീരില്‍ ലജ്ജിക്കാനൊന്നുമില്ലെന്നും
അവനെ പഠിപ്പിക്കുക. ദോഷൈകദൃക്കുകളെ
ആട്ടിയകറ്റാനും
അതിമധുരം പറയുന്നവരെ സൂക്ഷിക്കാനുമവനെ പഠിപ്പിക്കുക.

സ്വന്തം ബുദ്ധിയും ശക്തിയും
ഏറ്റവും വില പറയുന്നവന് വില്ക്കാന്‍ അവനെ പഠിപ്പിക്കുക.,
പക്ഷേ സ്വന്തം
ആത്മാവിനും ഹൃദയത്തിനും വിലയിടാതിരിക്കാനും.

ആര്‍ത്തലയക്കുന്ന ആള്‍ക്കൂട്ടത്തിന്
നേരെ ചെവിയടച്ച് വെച്ച്
തനിക്ക് ശരിയാണെന്ന് തോന്നുന്ന
കാര്യത്തില്‍ ഉറച്ച് വിശ്വസിക്കാനും
അതിന് വേണ്ടി നിലകൊള്ളാനും
പോരാടാനും അവനെ പഠിപ്പിക്കുക.
അവനോട് മാന്യതയോടെ പെരുമാറുക,
പക്ഷേ അവനെ താലോലിക്കരുത്,
അഗ്‌നിപരീക്ഷയില്‍ നിന്നേ ഈടുറ്റ ലോഹമുണ്ടാവുകയുള്ളൂ.

അക്ഷമനായിരിക്കാനുള്ള ധൈര്യമവന് നല്കുക.
ധൈര്യവാനായിരിക്കാനുള്ള ക്ഷമയവന് നല്കുക.
തന്നെക്കുറിച്ച് വലിയ രീതിയില്‍
സ്വയം
വിശ്വസിക്കാനാവനെ പഠിപ്പിക്കുക, എന്നാല്‍ മാത്രമേ മനുഷ്യരില്‍
വലുതായ വിശ്വാസമുണ്ടാവൂ.

ഇത് വലിയൊരാവശ്യമാണ്,
നിങ്ങള്‍ക്കെന്ത് ചെയ്യാനാവുമെന്ന് നോക്കൂ
കാരണം എന്റെ മകനൊരു കൊച്ചുമിടുക്കനാണ്
ഞാന്‍ അവനെ ഏറെ സ്‌നേഹിക്കുന്നു.'

വഴികാട്ടികള്‍ക്ക് ആദരം

Dr S Radhakrishnan

ഇതു ഞങ്ങളുടെ ഹൃദയാഞ്ജലിയാണ്.

ബന്ധുരമായ ബന്ധത്തിന്റെ സമര്‍പ്പണമാണ്.

അലൗകികമായ സ്നേഹത്തിന്റെ കയ്യൊപ്പ്.

ഈ മണ്ണിനെ ഉണര്‍ത്തുന്ന സങ്കീര്‍ത്തനമാണ്.

ആദര്‍ശപ്രബുദ്ധതയുടെ പര്യായമായ വഴിത്താരകള്‍ സൃഷ്ടിച്ച്

എതിര്‍പ്പുകളെ പുഞ്ചിരിയോടെ നേരിട്ട്

കനല്‍പഥങ്ങള്‍ താണ്ടി

കര്‍മ്മചൈതന്യംകൊണ്ട് ജനശ്രദ്ധനേടിയവര്‍

കര്‍മ്മമേഖലകള്‍ക്കൊപ്പം സാമൂഹ്യപ്രവര്‍ത്തനം കൂടി തപസ്യയാക്കി

ജനങ്ങള്‍ക്കൊപ്പം മാതൃകാട്ടി

തന്റെ ഇടപെടലുകത്രയും

ദീനരോധനങ്ങള്‍ വഹിക്കുന്നവര്‍ക്ക് ഉപകാരപ്രദമാക്കിമാറ്റി

ചരിത്രം തിരുത്തിയ സഹനസംസ്കൃതിയുടെ പ്രതീകകവും

ജീവാര്‍പ്പണത്തിന്റെ പര്യായവുമായ

താങ്കളുടെ സേവനത്തെ ഞങ്ങള്‍ ആദരിക്കുന്നു.

അഗ്നിപരീക്ഷണങ്ങളാല്‍ സ്ഫുടം ചെയ്തെടുത്ത

കരുത്തുറ്റമനസ്സിന്റെ ഉടമയായ താങ്കള്‍

അധികാരത്തിന്റേയും അഹങ്കാരത്തിന്റെയും സിംഹസനങ്ങളെ

അവഗണിക്കുകയും വേദോപദേശങ്ങള്‍ ശിരസ്സാവഹിച്ച്

ആദര്‍ശത്തിന്റെ കണികപോലും അടിയറവെക്കാതെ

ഹൃദയശുദ്ധിയോടെ കളങ്കരഹിതമായി

ഋജുസരണിയെ പ്രണയിക്കുകയും ചെയ്ത

താങ്കളെ ആദരിക്കാന്‍ അവസരം ലഭിച്ചതില്‍

ഞങ്ങള്‍ അഭിമാനിക്കുന്നു.